TAB Book Center

Takatho Htin Gyi(တက္ကသိုလ်ထင်ကြီး)

(စာအုပ် 1 အုပ်ရှိပါသည်)

Quality Sartee Group(Quality စာတည်းအဖွဲ ့)

#	Code	Name	Author	Price	-
22881	649006001	ခေတ်သုံးအင်္ဂလိပ်ဝေါဟာရ (တက္ကသိုလ်ထင်ကြီး)	Takatho Htin Gyi(တက္ကသိုလ်ထင်ကြီး)	5000.00 MMK	Detail

ခေတ်သုံးအင်္ဂလိပ်ဝေါဟာရ (တက္ကသိုလ်ထင်ကြီး)

5000.00 (ကျပ်)

Name:	Takatho Htin Gyi(တက္ကသိုလ်ထင်ကြီး)
Parent Names:	ဦးစံ + ဒေါ်ခင်တိုး
Date of Birthday:	၁၇၊ ၇၊ ၁၉၁၆
Address:	မြင်းခြံမြို့
Biography:	တက္ကသိုလ် ထင်ကြီးသည် ၁၉၃၅ ခုနှစ်တွင် မန္တလေး ဥပစာ ကောလိပ်၌ ပညာ သင်ကြားပြီး ၁၉၃၉ ခုနှစ်၌ ဝိဇ္ဇာဘွဲ့ကို ရန်ကုန် တက္ကသိုလ်မှ ရရှိခဲ့သည်။ မန္တလေး ဥပစာ ကောလိပ် ကျောင်းသား သမဂ္ဂ နှစ်ပတ်လည် မဂ္ဂဇင်း၌ မောင်ထင်ကြီး ဟူသော ကလောင် အမည်ဖြင့် ကုသနှင့် ကျွန်တော် ဟာသဆောင်းပါးကို ရေးပြီး ပထမဆုံး ပုံနှိပ်စာလုံးဖြင့် ဖော်ပြခြင်းခံရသည်။ Burma Book Club မှ ထုတ်ဝေသော ဂန္တလောက စာစောင်၏ ဝတ္ထုတို ပြိုင်ပွဲတွင် ဆုရရှိ ခဲ့သည်။ မန္တလေး ဥပစာ ကောလိပ်၌ ရှိစဉ် မန္တလေး သူရိယ သတင်းစာနှင့် New Burma အင်္ဂလိပ် သတင်းစာ တို့၏ သတင်းထောက် အဖြစ် ဆောင်ရွက်ခဲ့သည်။ ရန်ကုန် တက္ကသိုလ်တွင် တက္ကသိုလ် မြန်မာစာအသင်းကို မိတ်ဆွေများနှင့် ပြန်လည် ထူထောင်သည်။ ထိုစဉ် တက္ကသိုလ်မှ စာရေးဆရာများနှင့် ပြင်ပမှ မြန်မာစာရေး ဆရာများနှင့် ရင်းနှီး ဆက်သွယ်မှု ပြုလုပ် နိုင်ခဲ့သည်။ တက္ကသိုလ် ကျောင်းသား ဘဝနှင့် နောက်ပိုင်းတွင် မြန်မာ စာပေ ဆိုင်ရာ လုပ်ငန်းများ၌ ပွန်းတီး၍ စာပေလောကတွင် ထင်ရှား လာမည့် ခေတ်ပြိုင် ပုဂ္ဂိုလ်များ ဖြစ်ကြသည့် ဆရာ တက်တိုး၊ ဆရာ မန်းတင်၊ ဆရာ မောင်ထင်၊ ဆရာ ညိုမြ၊ သိပ္ပံ စိုးလှ၊ ဆရာ ဒဂုန်တာရာ စသူတို့ ပါဝင်သည်။ မြန်မာနိုင်ငံ အစိုးရ ပညတော်သင် အဖြစ် သတင်းဓာတ်ပုံ ဌာန တစ်ခုကို ဦးစီးတည်ထောင်ခဲ့သည်။ အိုးဝေ နေ့စဉ် သတင်း အယ်ဒီတာချုပ်၊ ပြင်သစ်သတင်း ဖြန့်ချိရေး (အုပ်ချုပ်ရေးမှူး)၊ စာပေဗိမာန် မဂ္ဂဇင်း တာဝန်ခံ အယ်ဒီတာ အဖြစ် ဆောင်ရွက်ခဲ့သည်။ ၁၉၅၆-ခုနှစ်မှ ၁၉၅၉-နှစ် အထိ ပြင်သစ်နိုင်ငံ ယူနက်စကို ဌာချုပ်၌ စိစစ်ရေး ကျွမ်းကျင် ပုဂ္ဂိုလ် Programme Specialist အဖြစ် ဆောင်ရွက်ခဲ့သည်။ ၁၉၆၄-ခုနှစ်၌ ပြန်ကြားရေး ဝန်ကြီးဌာန လုပ်သားပြည်သူ့ နေ့စဉ် သတင်းစာ တာဝန်ခံ အယ်ဒီတာအဖြစ် ဆောင်ရွက်ခဲ့သည်။ စာပေဗိမာန်အဖွဲ့ ညွှန်ကြားရေးမှူး အဖြစ် ဆောင်ရွက် ခဲ့သည်။ ၁၉၇၂ ခုနှစ်တွင် နိုင်ငံတကာ စာအုပ်နှစ် ပြပွဲကြီးကို အင်ဗွိုင်းခန်းမ၌ ကြီးမှူး ပြသခဲ့သည်။ ၁၉၇၆-ခုနှစ်တွင် စာပေဗိမာန်မှ အငြိမ်းစား ယူခဲ့သည်။ ၁၉၇၆ မှ ၁၉၈၁ ခုနှစ် အထိ မြန်မာနိုင်ငံ စာပေ လုပ်သား အဖွဲ့ စည်းရုံးရေး ကော်မတီ အတွင်းရေးမှူး အဖြစ် ဆောင်ရွက် ခဲ့သည်။ နိုင်ငံခြား တိုင်းပြည်များသို့ ပညာတော်သင်၊ လေ့လာရေး၊ အလုပ်အကိုင်၊ ကိုယ်စားလှယ် အဖွဲ့ အစည်းအဝေး စသည်တို့နှင့် စပ်လျဉ်း၍ အမေရိကန်၊ တရုတ်၊ ပါကစ္စတန်၊ ပြင်သစ်၊ အနောက်ဂျာမနီ၊ ရုရှား၊ အရှေ့ဂျာမနီ၊ ဟန်ဂေရီ၊ ယူဂိုဆလားဗီးယား၊ ဂျပန် နိုင်ငံများသို့ ရောက်ရှိခဲ့သည်။ ၁၉၉၂-ခုနှစ်တွင် သုတပဒေသာ (ဝိဇ္ဇာ) အမျိုးသား စာပေဆုကို မြန်မာနိုင်ငံ သတင်းစာများ အညွှန်း (ပထမတွဲ၊ ဒုတိယတွဲ) ဖြင့် ဆွတ်ခူးခဲ့သည်။ ၁၉၉၇-ခုနှစ်တွင် ပခုက္ကူ ဦးအုန်းဖေ တစ်သက်တာ စာပေဆု ရွေးချယ် ချီးမြှင့်ခြင်း ခံရသည်။ ၁၉၈၅-ခုနှစ်မှ စတင်ပြီး ပညာရေးဝန်ကြီးဌာန၊ မြန်မာစာ အချိန်ပြည့် အဖွဲ့ဝင် ဖြစ်လာပြီး ၁၉၉၁-ခုနှစ်၌ မြန်မာ့သမိုင်းအဖွဲ့ အချိန်ပိုင်း အဖွဲ့ဝင် အဖြစ် ပူးပေါင်း ဆောင်ရွက်လျက် ရှိသည်။ တက္ဗသိုလ် ထင်ကြီးသည် ၂ဝဝ၁-ခုနှစ် အတွက် အရှေ့တောင်အာရှ စာပေဆု ချီးမြှင့်ခြင်းခံရပြီး အမှတ် (၈) ဇီဇဝါ ဥယျာဉ် သံသုမာလမ်း တောင်ဥက္ကလာပ မြို့နယ် ရန်ကုန်မြို့တွင် နေထိုင်လျက်ရှိသည်။ ဆရာကြီးသည် မြန်မာစာအဖွဲ့တာဝန်များကို ထမ်းဆောင်ရင်း ၁-၄-၂၀၀၄ ခုနှစ်တွင် ကွယ်လွန်ခဲ့သည်။
Book List:	1. Currenct English Word & Phrases - ၁၉၉၁ ခုနှစ် 2. ခေတ်သုံး အင်္ဂလိပ် ဝေါဟာရ - ၁၉၈၁ ခုနှစ် 3. ခေတ်သုံး အင်္ဂလိပ် ဝေါဟာရပေါင်းချုပ် - ၁၉၈၄ ခုနှစ် 4. ဖြူနီ ဝါပြာနှင့် အခြား အင်္ဂလိပ် ဝေါဟာရများ - ၁၉၉ဝ ပြည့်နှစ် 5. ဗိုလ်တရာ၊ ချစ်ဥဩနှင့် အခြား ဝတ္ထုတိုများ - ၁၉၄၅ ခုနှစ် 6. မြန်မာနိုင်ငံ သတင်းစာများ - ၁၉၉၂ ခုနှစ် 7. မြန်မာနိုင်ငံ သတင်းစာများ အညွှန်း (ပထမတွဲ၊ ဒုတိယတွဲ) - ၁၉၉၂ ခုနှစ်
Others Pseudonym:	မောင်ထင်ကြီး