TAB Book Center

Mg Thit Min(မောင်သစ်မင်း)

(စာအုပ် 2 အုပ်ရှိပါသည်)

Quality Sartee Group(Quality စာတည်းအဖွဲ ့)

#	Code	Name	Author	Price	-
11103	649963368	တေးမြုံငှက် (မောင်သစ်မင်း) (Old-ဇော်)	Mg Thit Min(မောင်သစ်မင်း)	0.00 MMK	Detail
19166	642003001	ဖူးသစ်ဥယျာဉ် ပန်းရွှေပြည်ကလေးကဗျာများ (မောင်သစ်မင်း)	Mg Thit Min(မောင်သစ်မင်း)	0.00 MMK	Detail

တေးမြုံငှက် (မောင်သစ်မင်း) (Old-ဇော်)

0.00 (ကျပ်)

ဖူးသစ်ဥယျာဉ် ပန်းရွှေပြည်ကလေးကဗျာများ (မောင်သစ်မင်း)

0.00 (ကျပ်)

Name:	Mg Thit Min(မောင်သစ်မင်း)
Parent Names:	ဒုဗိုလ်မှူးကြီး တင်စိုး(တော်လှန်ရေးကောင်စီအဖွဲ့ဝင်)+ အမိ ဒေါ်မြသန်း
Date of Birthday:	၁၉၅၃ ခုနှစ် ဇွန်လ ၆ ရက်
Address:	ရန်ကုန်မြို့
Biography:	တေးရေးဆရာ၊ ကဗျာဆရာ၊ စာရေးဆရာ မောင်သစ်မင်းကို ၁၉၅၃ ခုနှစ် ဇွန်လ ၆ ရက်နေ့က အဖ ဒုဗိုလ်မှူးကြီး တင်စိုး(တော်လှန်ရေးကောင်စီအဖွဲ့ဝင်)နှင့် အမိ ဒေါ်မြသန်းတို့မှ ရန်ကုန်မြို့တွင် မွေးဖွားသည်။ အမည်အရင်းမှာ ဦးဒေဝဖြစ်သည်။ မွေးချင်းနှစ်ဦးရှိပြီး အစ်ကိုဖြစ်သူမှာ ဒေါက်တာဝဏ္ဏဖြစ်သည်။ ၁၉၇၁ ခုနှစ်တွင် ကဗျာ၊ ဝတ္ထုများကို ရေးသားခဲ့ပြီး အနုပညာလောကသို့ စတင်ဝင်ရောက်သည်။ မောင်သစ်မင်းသည် ကလေးကဗျာများ၊ ဘာသာပြန်ကဗျာများနှင့် ပင်ကိုယ်ရေးကဗျာများကို ရေးသားခဲ့သည်။ ၁၉၉၁ ခုနှစ်တွင် သုံးယောက်ကောင်းကင် ဟုအမည်ရသော လုံးချင်းကဗျာစာအုပ်ကို ရေးသားထုတ်ဝေခဲ့သည်။ ယင်းကဗျာစာအုပ်သည် မိရောဆလပ် ဟောလုဗ်၊ ဗါစကို ပိုပါနှင့် ဇဗစ်ဂညူး ဟားဗတ် တို့၏ ကဗျာများကို ဘာသာပြန်ရေးသားခဲ့သော စာအုပ်တစ်အုပ်ဖြစ်သကဲ့သို့ မောင်သစ်မင်း၏ ထင်ရှားသော ဘာသာပြန်ကဗျာ စာအုပ် တစ်အုပ်လည်းဖြစ်သည်။ မောင်သစ်မင်းသည် တေးမြုံငှက် ဟုအမည်ရသော လုံးချင်းဝတ္ထုအပါအဝင် လုံးချင်းစာအုပ် ၅ အုပ်ကို ရေးသား ထုတ်ဝေခဲ့သည်။ ယင်းတို့မှ အရှေ့နေထွက် အနောက်နေဝင်(၁၉၇၅)၊ မပြောကောင်းတဲ့ အကြောင်း လေးတစ်ခု(၁၉၇၅)၊ မနက်ဖြန်သည် အပြာရောင်၊ ငရဲ၌ သစ်ငုတ်ဖြစ်စေ နှင့် တေးမြုံငှက်(၁၉၇၇)တို့ဖြစ်သည်။ ယင်းတို့မှ ငရဲ၌ သစ်ငုတ်ဖြစ်စေ ဟု အမည်ရသော လုံးချင်းဝတ္ထုသည် မြန်မာ့ဆိုရှယ်လစ်လမ်းစဉ်ပါတီခေတ် အတွင်းရှိ ဆရာဝန်များ၏ ဘဝကို ရေးသားထားသော စာအုပ်တစ်အုပ်ဖြစ်သည်။ တေးမြုံငှက် ဟု အမည်ရသည့် လုံးချင်းဝတ္ထုကို အသက် ၂၄ နှစ်ပြည့်မွေးနေ့ အထိမ်းအမှတ်အနေဖြင့် ၁၉၇၇ ခုနှစ်တွင် ရေးသားခဲ့ခြင်းဖြစ်သည်။ တေးမြုံငှက် လုံးချင်းဝတ္ထုသည် ဂီတလောကကို နောက်ခံပြုရေးသား ထားသော ဝတ္ထုတစ်ပုဒ်ဖြစ်သည်။ ယင်းလုံးချင်းဝတ္ထုသည် စတူဒီယိုခေတ်ဦးကာလအတွင်း ကြိုးစားလှုပ်ရှား နေကြသည့် တေးရေးဆရာတို့၏ သရုပ်မှန်ဘဝနှင့် တေးမြုံငှက် ရေးသားသူ ကိုယ်တိုင်၏ အနုပညာသမားဘဝ ဖြတ်သန်းရသည့် အခြေအနေများကို သရုပ်ဖော်ရေးသားထားခြင်းဖြစ်သည်။ ထို့အပြင် တေးမြုံငှက် အမည်ရှိသည့် တေးသီချင်းကိုလည်း ရေးသားခဲ့သည်။ ယင်းတေးသီချင်းကို အဆိုတော် ခိုင်ထူး မှ သီဆိုခဲ့သည်။ တေးမြုံငှက် လုံးချင်းဝတ္ထုနှင့် တေးသီချင်းသည် မောင်သစ်မင်း၏ အောင်မြင်ထင်ရှားသော အနုပညာလက်ရာတစ်ခုဖြစ်သည်။ ထို့ကြောင့် မောင်သစ်မင်းကို တေးမြုံငှက် ဟု ဂီတနှင့်စာပေအသိုင်းအဝန်းတွင် တင်စားခေါ်ဝေါ်ခဲ့ကြသည်။ ၁၉၇၂ ခုနှစ်တွင် အဆိုတော် စိန်သစ်အတွက် တေးသီချင်းများကို စတင်ရေးသားပြီး တေးရေးဆရာ ဘဝကို စတင်ခဲ့သည်။ ယင်းကာလက စတူဒီယိုတေးဂီတကို လမ်းသရဲဂီတ၊ သရုပ်ပျက်ဂီတဟု ဝေဖန် သတ်မှတ်နေချိန်လည်းဖြစ်သည်။ ၁၉၇၃ ခုနှစ်တွင် အဆိုတော် စိန်သစ် နှင့် စိုးပိုင် တို့အတွက် တေးသီချင်းများ ကို ဆက်လက်ရေးသားပေးခဲ့သည်။ အဆိုတော် စိုးပိုင်မှ သီဆိုပြီး မောင်သစ်မင်းရေးသားခဲ့သော အချစ်ည ရင်ခုန်သံ ဟုအမည်ရသည့် တေးသီချင်းသည် အောင်မြင်ကျော်ကြားခဲ့သော တေးသီချင်းတစ်ပုဒ်ဖြစ်သည်။ ၁၉၈၂ ခုနှစ်တွင် အဆိုတော် စိုးပိုင် သီဆိုရန် ရေးသားပေးခဲ့သည့် အနီးဆုံးလူ ဟုအမည်ရသော တေးသီချင်းသည် မောင်သစ်မင်း၏ ပထမဦးဆုံးသော ကိုယ်ပိုင်သံစဉ်တေးသီချင်းတစ်ပုဒ်ဖြစ်သည်။ ၁၉၈၅ ခုနှစ်တွင် စင်ပေါ်ကတေးများ ဟုအမည်ရသော တေးစီးရီးကို ရုပ်ရှင်သရုပ်ဆောင်၊ အဆိုတော် ကျော်ဟိန်း အတွက် ရေးသားပေးခဲ့သည်။ ၁၉၈၇ ခုနှစ်တွင် အဓိပ္ပာယ်ရှိသောလူ ဟု အမည်ရသော တေးစီးရီးကို ကျော်ဟိန်းအတွက် ဆက်လက်ရေးသားခဲ့သည်။ ယင်းတေးစီးရီးနှစ်ခုသည် မောင်သစ်မင်းနှင့် ကျော်ဟိန်း တို့၏ အောင်မြင်ကျော်ကြားသော တေးသီချင်းများ ဖြစ်ခဲ့သည်။ ၂၀၀၃ ခုနှစ်တွင် အသက် ၅ဝ ပြည့် အမှတ်တရအနေဖြင့် မောင်သစ်မင်း၏ အောင်မြင်ကျော်ကြား ခဲ့သော တေးသီချင်းများကို စုစည်း၍ တေးမြုံငှက် နှစ်ငါးဆယ် (၁) နှင့် (၂) တေးစီးရီးနှစ်ခုကို ထုတ်ဝေခဲ့သည်။ ထို့အပြင် ခေတ်ပြိုင်ဂီတ မှတ်တိုင်များ အမည်ဖြင့် ရုပ်မြင်သံကြားအစီအစဉ်ကို MRTV-4 နှင့် တွဲဖက်စီစဉ်ခဲ့ သည်။ ထို့အပြင် မြန်မာနိုင်ငံဂီတအစည်းအရုံးတွင် တွဲဖက်အတွင်းအရေးမှူး(၃)အဖြစ် တာဝန်ထမ်းဆောင်ခဲ့ သည်။ မောင်သစ်မင်းသည် စိန်သစ်၊ စိုးပိုင်၊ မွန်းအောင်၊ ပလေးဘွိုင်းသန်းနိုင်၊ ခိုင်ထူး၊ ကျော်ဟိန်း၊ ဇော်ဝင်းရှိန်၊ တူးတူး၊ ချစ်ကောင်း၊ ထူးအိမ်သင်၊ လေးဖြူ၊ အငဲ၊ အယ်ခွန်းရီ၊ နော်လီဇာ၊ ဟေမာနေဝင်း၊ မေဆွိ နှင့် ထွန်းအိန္ဒြာဗိုလ် အစရှိသည့် အဆိုတော်များအတွက် တေးသီချင်းပေါင်း ၆၀ဝ ကျော်ကို ရေးသားပေးခဲ့ သည်။ ၁၉၈၂ ခုနှစ်တွင် မောင်သစ်မင်းသည် ဒေါက်တာအေးအေးစန်းနှင့် လက်ထပ်ထိမ်းမြားခဲ့သည်။ ယင်း နောက် မောင်သိဒ္ဓိ၊ မောင်ဣဒ္ဓိနှင့် မောင်ကိတ္တိ တို့ကို မွေးဖွားခဲ့သည်။ ဇနီးဖြစ်သူ ဒေါက်တာအေးအေးစန်းသည် ၂၀၀၅ ခုနှစ်တွင် ကွယ်လွန်ခဲ့သည်။
Book List:
Others Pseudonym: